Danas ng mga Mag-Aaral sa Filipino sa Bilinggguwal na Edukasyon

Abstract

Ang bilingguwal na edukasyon ay isang sistema ng pang-edukasyon kung saan ang mag-aaral ay tinuturuan sa kanilang aralin sa dalawang wika o higit pa. Sa Pilipinas, isa sa pangunahing wikang itinuturo sa ilalim ng bilingguwal na edukasyon ay ang Filipino, kasama na ang unang wika. Gumamit ang mga mananaliksik ng isang kwalitatibong pamamaraan na nagpapahintulot na tagapanayam na magtanong sa isang bukas na paraan upang tuklasin ang paksa ng pananaliksik nang mas malalim at upang bigyang-daan ang flexibility ng kinakapanayam na talakayin ang kanilang karanasan nang mas detalyado. Gumamit ng kwalitatibong pamamaraan ang pananaliksik batay kay Husserlian Descriptive Phenomenology upang tuklasin ang karanasan ng Filipino medyor sa edukasyong bilingguwal. Matapos ang masusing pananaliksik napag- alaman, ang paggamit ng bilingguwal na wika sa talakayan ay napapadali ang kanilang pagkatuto sa asignaturang ito. Nagkakaroon din ng malaking ambag ang unang wika sa pagsasanay sa pangalawang wika, upang matamo ang kabuuang pagkatuto sa mag-aaral. Nagkakaroon ng malaking ambag ang unang wika sa pagsasanay sa pangalawang wika, upang matamo ang kabuuang pagkatuto sa mag-aaral. Ilang magaaral din maaaring masanay sa code-switching o pagpapalit ng wika batay sa konteksto, at maaaring makakatulong ito sa kanilang mas malalim na pag-unawa sa Filipino.