PAGSULOY NG BATAYANG KURIKULUM NG EDUKASYON: ISANG PENOMENOLOHIYANG PAG-AARAL

Abstract

Ang pag-aaral na ito ay nakatuon sa karanasan ng mga punong-guro at tagapagturo sa ika-pitong baitang sa pagpapatupad ng bagong kurikulum sa paaralang   Liloan National High School Extension - Don Bosco, Dumanjug National High School, at Carmen National High School-Day.  Sa kabila ng mga hamon na dulot ng pagbabago, layunin ng pananaliksik na ito na masuri ang mga karanasang napagdaanan sa pagpapatupad ng panibagong kurikulum. Kasabay ang mga ginamit na pamamaraan sa pagtuturo, paano nakakaapekto sa kalidad ng pagtuturo at pagkatuto ng mga mag-aaral. Gumamit ng kwalitatibong metodolohiya ang pag-aaral, kung saan nagsagawa ng mga panayam at talakayan kasama ang siyam (9) na kalahok na kinabibilangan ng punong guro at tagapagturo mula sa bahagi ng kauna unang pagpapatupad ng bagong kurikulum sa pasukang 2023-2024 at 2024-2025. Natuklasan sa mga resulta na ang mga punong guro at tagapagturo ay nakaranas ng parehong positibo at negatibong epekto mula sa bagong kurikulum. Kabilang sa mga positibong aspeto ang paghasa ng kakayahan at kasanayan ng indibidwal, pagiging malikhain sa pagtuturo at paggamit ng mga makabagong pedagogical approaches sa pagtuturo. Sa kabilang nito may kaakibat sa mga hamon tulad ng kakulangan sa pagsasanay, mga materyales na gagamitin sa pagtuturo, maiging pagsusuri sa nilalaman ng kurikulum. Ang pag-aaral ay nagmumungkahi ng mga rekomendasyon para sa mas epektibong pagpapatupad ng bagong kurikulum, tulad ng pagpapalakas ng mga programa sa pagsasanay, pagbibigay ng sapat na suporta mula sa administrasyon, pagkakaroon ng Collaborative Session ng mga tagapagturo sa paghahatid ng kalidad na edukasyon at pagbabahagi o pagmumungkahi ng mga natutunan sa isang LAC Session. Ang mga natuklasang ito ay nagbigay ng mahalagang kaalaman na hindi lamang makakatulong sa mga tagapagturo kundi sa kabuuang proseso ng edukasyon sa bansa.